Raporti mbi kapjen e shtetit, Vurmo: Nuk është shkelur ligji, është manovruar me mangësinë e tij

Raporti i Transparency International vëren se kapja e shtetit në Shqipëri është rritur ndjeshëm midis viteve 2008 dhe 2020. Drejtori i Institutit për Demokraci dhe Ndërmjetësim, Gjergji Vurmo ka folur për Euronews Albania mbi rëndësinë e këtij raporti dhe mënyrën se si është bërë ligj bërja me posori në vendin tonë.

“Unë do të thoja raporti i Transparency International është ndër raportet më të rëndësishme dhe të forta për Shqipërinë dhe për Ballkanin Perëndimor, plus Turqinë. Një nga fenomenet që ky raport prek është fenomeni i kapjes së shtetit për të cilin ka pasur shumë diskutime por shumë pak burime analitike të studimeve. Për herë të parë, sidomos për pjesën e ligj bërjes me porosi ky është raporti i parë ky është raporti i parë në nivel botëror që analizon, investigon dhe bën një vlerësim të ligj bërjes me porosi”, u shpreh Gjergji Vurmo.

Z. Vurmo theksoi se në rastin e vendit tonë nuk është shkelur ligji në mënyrë të drejtpërdrejtë, por është manovruar me mangësi ligjore dhe me mungesë integriteti në proceset e ligj bërjes.

“Njerëzit mund të presin që ligjet me porosi bëhen duke shkelur ligjet dhe rregullat, në rastin tonë ligjet me porosi janë bërë duke manovruar në mënyrë mjeshtërore boshllëqet ligjore dhe mungesën e integritetit të disa proceseve të ligj bërjes”, u shpreh z. Vurmo.