Raundi i gjashtë i bisedimeve midis SHBA-së dhe Iranit do të mbahet në Oman

Raundi i gjashtë i negociatave midis Shteteve të Bashkuara të Amerikës dhe Iranit mbi programin bërthamor të Iranit do të mbahet në kryeqytetin e Omanit, Muscat, këtë fundjavë, njoftoi sot Ministri i Jashtëm i Omanit, Badr Albusaidi.

Një zyrtar amerikan i paidentifikuar i tha më parë Reuters se i dërguari special i SHBA-së për Lindjen e Mesme, Steve Witkoff, planifikon të takohet me ministrin e jashtëm iranian, Abbas Araqchi, të dielën në Oman për të diskutuar përgjigjen e Iranit ndaj propozimit të fundit të SHBA-së për një marrëveshje bërthamore.

Irani tha të hënën se së shpejti do të paraqesë një kundërpropozim për një marrëveshje bërthamore me SHBA-në, në përgjigje të një oferte amerikane që Teherani e konsideron të papranueshme.

Trump tha të hënën se bisedimet SHBA-Iran do të vazhdojnë, duke thënë se ishte më pak i bindur se Irani do të binte dakord të ndalonte pasurimin e uraniumit sipas marrëveshjes me Uashingtonin.

Agjencia amerikane e inteligjencës tregon se Izraeli po bën përgatitje për të sulmuar objektet bërthamore të Iranit, sipas Reuters.

LEXONI GJITHASHTU:

• 34-vjetori i PS, Rama: Flamuri i socialistëve e progresistëve më lart se asnjëherë
• “Dubai ka rënë”, gazetari tregon vendin ku do shkojnë eksponentët shqiptar të krimit