Rebelët Houthi sulmojnë anije tregtare në Detin e Kuq, dy të vdekur

Dy anëtarë të ekuipazhit janë vrarë në një sulm raketor nga rebelët Houthi në një anije mallrash pranë Jemenit jugor, thonë zyrtarët amerikanë – vdekjet e para që kanë shkaktuar sulmet e grupit ndaj anijeve tregtare.

True Confidence me flamurin e Barbados ishte braktisur dhe po lëvizte me një zjarr në bord, thanë menaxherët.

Ajo u godit në Gjirin e Adenit rreth orës 09:30 me orwn lokale, shtuan ata.

Houthit thonë se sulmet e tyre janë për të mbështetur palestinezët në luftën midis Izraelit dhe Hamasit në Gaza.

Në një deklaratë, grupi i mbështetur nga Irani tha se ekuipazhi i True Confidence kishte injoruar paralajmërimet nga forcat detare Houthi.

Ambasada britanike në Jemen tha se vdekjet e marinarëve ishin “pasoja e trishtueshme, por e pashmangshme e gjuajtjes së pamatur të raketave nga Huthi në anijet ndërkombëtare” dhe këmbënguli se sulmet duhej të ndaleshin.

Gjashtë anëtarë të ekuipazhit u plagosën gjithashtu, tha një zyrtar amerikan për partnerin amerikan të BBC-së, CBS.

Sulmi ndodhi rreth 93 km në jug-perëndim të qytetit Aden të Jemenit, tha në një deklaratë një zëdhënës i pronarëve dhe menaxherëve të anijes.

LEXONI GJITHASHTU:

• SHBA dhe Britania e Madhe kryejnë sulme të reja ndaj Houthi në Jemen
• Sulmet e lëvizjes Houthi dëmtojnë zinxhirin global të furnizimeve