Rebelët Huthi kërcënojnë objektivat saudite, shkak shkelja e hapësirës ajrore

Rebelët Huthi të Jemenit njoftuan të premten se forcat e tyre u përballën me aeroplanë luftarakë sauditë që, sipas tyre u përpoqën të parandalonin uljen e një avioni civil iranian në Aeroportin Ndërkombëtar të Sanaas.

Zëdhënësi ushtarak, Yahya Sarea paralajmëroi se do të synonte aeroportet saudite dhe interesat jetësore në tokë dhe det nëse sauditët vazhdojnë shkeljet e hapësirës ajrore të Jemenit.

“Fluturimet midis Sanaas dhe Teheranit do të vazhdojnë pavarësisht çdo pasoje të mundshme”, shtoi ai.

Televizioni Al Masirah i drejtuar nga Huthi tha më herët të premten se një avion iranian mbërriti në Sanaa dhe transportoi delegacionin zyrtar të grupit për në Teheran për të marrë pjesë në funeralin e udhëheqësit të ndjerë suprem të Iranit, Ajatollah Ali Khamenei. Më shumë se 200 pacientë ishin midis pasagjerëve të tjerë në bord.

Arabia Saudite udhëhoqi një koalicion ushtarak që ndërhyri në Jemen në vitin 2015, pasi Huthët e lidhur me Iranin pushtuan kryeqytetin, Sanaa.

Huthit kanë demonstruar aftësitë e tyre me raketa dhe dronë gjatë luftës së Jemenit në sulmet ndaj Arabisë Saudite që synojnë instalimet e naftës dhe infrastrukturën jetësore.