Rebelët sirianë i afrohen Homsit dhe Damaskut

Grupet rebele të udhëhequra nga organizata Hayat Tarir al-Sham, hynë në dy qytete në Sirinë qendrore, Rastan dhe Talbiseh, duke iu afruar kështu qytetit të tretë më të madh sirian, Homsit.

Përparimi erdhi pasi rebelët pushtuan qytetin e Hamës, ndërsa ushtria siriane tërhoqi trupat për të shmangur luftimet dhe për të mbrojtur civilët, raportoi AP.

Rebelët njoftuan një sulm në Homs dhe Damask, dhe ministri i mbrojtjes i Sirisë tha se tërheqja nga Hama ishte një masë taktike.

Sipas raportimeve, rebelët tani janë pesë kilometra larg Homsit.

Trupat rebele, të mbështetura nga Turqia, kanë pushtuar Aleppon.

Grupi libanez Hezbollah dërgoi mbrëmë “forcat e mbikëqyrjes” në Siri për të parandaluar rebelët të pushtonin Homsin, thanë burimet libaneze të sigurisë.

Sipas informacionit të dhënë nga zyrtarë ushtarakë sirianë dhe burime rajonale pranë Teheranit, trupat elitare të Hezbollahut kanë kaluar nga Libani dhe kanë zënë pozicione në Homs, një qytet strategjik kyç në Sirinë qendrore.

LEXONI GJITHASHTU:

• Guterres bën thirrje për ndaljen e luftimeve në Siri
• Ushtria siriane tërhiqet nga qyteti Hama pas përparimit të rebelëve