Reciprocitet edhe në tregti, Hajdari: Vendimi mbron prodhuesit vendas, koha për reciprocitet të plotë

Ministrja e Industrisë, Ndërmarrësisë dhe Tregtisë së Kosovës, Rozeta Hajdari, njoftoi se janë marrë 2 vendime për masa mbrojtëse ‘anti-damping’ ndaj dy produkteve të prodhuara në Serbi.

Vendimi i parë ka të bëjë për ri-kthimin e masave mbrojtëse ‘anti-damping’ për blloqet e argjilës nga Serbia, si dhe masat për koncentratin e kafshëve.

Ministrja Hajdari ka thënë se kompanitë nga Serbia, kanë dëmtuar prodhuesit vendas duke shitur këto produkte me çmim më të ulët në Kosovë se sa në Serbi.

 “Departamenti i Tregtisë ka gjetur se çmimi i ulët ka ndikuar në rritjen e importit të blloqeve dhe se po ndikon në shtimin e importit të koncentratit. Rrjedhimisht kjo situatë dëmton drejtpërdrejt në vazhdimësi dhe çdoherë më shumë prodhuesit vendor të këtyre produkteve,” – tha ajo.

Sa i përket reciprocitetit të plotë, ministrja Hajdari, tha se ndjehen të imponuar nga veprimet e shtetit serb.

‘Damping’ nënkupton importin e mallrave në Kosovë me një çmim më të ulët të eksportit, sesa çmimi i krahasueshëm për produktin e ngjashëm në tregun e vendit eksportues. ‘Anti-damping’ është masë mbrojtëse për importin e produkteve nën hetime, pas ankesave të kompanive prodhuese brenda shtetit.

Vendimi është përshëndetur edhe nga Kreu i Odës së Afarizmit, Skënder Krasniqi.

LEXONI GJITHASHTU: 

• Albin Kurti: Po fillon epoka kur Serbia mësohet me reciprocitet
• Von der Leyen dhe Borrell përshëndesin marrëveshjen për reciprocitetin e targave
• SHBA i jep të drejtë Kosovës për reciprocitetin, ndërsa fton palët të vijojnë dialogun