Reciprociteti me targat, arrihet marrëveshje mes Kosovës dhe Serbisë

Kosova dhe Serbia kanë arritur një marrëveshje sa i takon reciprocitetit të targave.

Lajmi u bë me dije të enjten nga i dërguari i Bashkimin Europian për dialogun Kosovë-Serbi Miroslav Lajçak i cili falënderoi palët për gatishmërinë për të negociuar.

Ai shkroi në faqen e tij zyrtare se marrëveshja ishte arritur pas dy ditësh negociata intensive, ndërsa ka publikuar marrëveshjen në Twitter.

Të dy palët bien dakord:

1. Duke nisur nga 2 tetori në orën 8:00 dhe jo më larg se ora 16:00 njësitë e policisë speciale të gjendura aktualisht në Jarinjë dhe Brnjak do të hiqen njëkohësisht me bllokadat e rrugës. KFOR do të dërgohet në Jarinjë dhe Brnjak përpara fillimit të heqjes së njëkohësishme dhe do të mbetet atje për rreth 2 javë për të ruajtur një mjedis të sigurt, si dhe lirinë e lëvizjes.
2. Nga 4 tetori 2021 në orën 8:00, regjimi i stikerave për targat të rëna dakord në kornizën e Dialogut të lehtësuar nga BE do të zbatohet si një mjet i përkohshëm derisa të gjendet një zgjidhje përfundimtare.

3. Një grup pune që do të konsistojë në përfaqësues të BE-së, Beogradit dhe Prishtinës, drejtuar nga Bashkimi Europian do të krijohet për të gjetur një zgjidhje të përhershme për çështjen e targave bazuar në standardet dhe praktikat e BE.

Takimi i parë i grupit të punës do të mbahet më 21 tetor 2021 në Bruksel. Brenda gjashtë muajve nga takimi i parë, grupi i punës do të prezantojë gjetjet e zgjidhjes së përhershme tek një format i nivelit të lartë të Dialogut.

We have a deal! After two days of intense negotiations, an agreement on de-escalation and the way forward has just been reached. I thank Besnik Bislimi and Petar Petkovic for their readiness to negotiate and agree for the good of the people. pic.twitter.com/OuhuUWvuG0

— Miroslav Lajčák (@MiroslavLajcak) September 30, 2021

LEXONI GJITHASHTU: 

• Shqiptarët dhe serbët kundër reciprocitetit për targat
• Serbët sulm me granata në veri të Kosovës, shkak reciprociteti për targat
• S’kam pasur asnjë komunikim me Vuçiç për reciprocitetin, thotë Rama