Reforma zgjedhore, Yuri Kim jep porositë e fundit: Askush s’do marrë gjithçka që dëshiron, të mbyllet brenda afatit

Ambasadorja e SHBA-së në Tiranë, Yuri Kim ka kërkuar sërish nga palët që të përfundojnë reformën zgjedhore brenda 31 majit.

Ajo shprehet se në këtë proces askush nuk do mund të marrë gjithçka, prandaj beson se duhet të vijojnë negociatat në tryezën e Këshillit Politik, në mënyrë që palët të mos zhgënjejnë qytetarët shqiptarë.

“Më shumë përparim sot, mbeten 2-3 çështje. Palët duhet të punojnë gjatë fundjavës për të arritur marrëveshje deri më 31 maj, ashtu siç premtuan (duhet të fitojnë kohën e humbur nga COVID). Askush nuk do të marrë gjithçka që ata dëshirojnë, ky është përkufizimi i vetë fjalës negocim. Ju jeni pranë-mos pushoni, mos zhgënjeni shqiptarët”, shkruan Kim. 

Pavarësisht takimit të sotëm, palët politike në tryezën e reformës zgjedhore nuk kanë gjetur dakordësi për disa pika. Ata nuk pranuan propozimet e tyre për teknologjinë në zgjedhje dhe për depolitizimin e administratës zgjedhore.

Partia Demokratike kërkoi sot që rolin e Kolegjit Zgjedhor ta marrë Gjykata Kushtetuese, e cila sipas saj, do duhet të vendosë për fatin e zgjedhjeve pas apelimit apo kontestimeve që do kenë partitë politike.

More progress today, 2-3 issues remain. Parties should work through the weekend to reach agreement by MAY 31, as they promised (must make up for time lost to COVID). No one will get everything they want – definition of negotiaton. You are close – don’t rest, don’t disappoint ??! https://t.co/kbUo1a7V66

— Ambassador Yuri Kim (@USAmbAlbania) May 29, 2020