Edoardo Reja nuk do largohet nga drejtimi i Kombëtares. Në një njoftim për mediat, Federata Shqiptare e Futbollit thotë se nuk ka asnjë plan për largimin e tij nga drejtimi i kuqezinjve.
“Federata Shqiptare e Futbollit dëshiron të informojë dhe sqarojë të gjithë opinionin publik e mediat se zërat që kanë qarkulluar orët e fundit në lidhje me një marrëveshje të mundshme me Luigi Di Biaggion për drejtimin e Shqipërisë janë totalisht të pavërteta dhe një spekulim i pabazë. Kombëtarja shqiptare e futbollit ka në drejtimin e saj trajnerin Edoardo Reja, i cili është ende nën kontratë e vazhdon punën e tij. Federata Shqiptare e Futbollit bën me dije se fokusi ynë është te shorti i Kampionatit Europian 2024, i cili do të hidhet në datë 9 tetor në Frankfurt”, thuhet në njoftimin e FSHF.
Barazimi në minutat shtesë gjatë ndeshjes me Islandës shtoi pakënaqësinë ndaj drejtuesit të Kombëtares dhe thirrjet për largimin e tij.
LEXONI GJITHASHTU:
- Islanda barazon Shqipërinë në minutat shtesë
- Pse u zemëruan ‘Tifozët Kuqezi’? Ardit Saliaj tregon arsyet