Rekord i ri, kitara e Kurt Cobain shitet për 6 milionë dollarë

Kitara, me të cilën performoi vokalisti i grupit muzikor të rrokut Nirvana, Kurt Cobain gjatë shfaqjes së tij në “MTV Unplugged” në vitit 1993 është shitur për 6 milionë dollarë në ankand. Kitara u personalizua nga Cobain, për t’u përdorur në shfaqjen e famshme.

“Kurt nuk kërkoi një kitarë me pamje tërheqëse. Ai donte një kitarë që mund ta përdorte lehte me dorën e majtë, kishte nevojë për diccka që e ndihmonte me këtë problem. Dëshira ju realizua dhe kjo ishte gjeja më e rëndësishme”, tha Martin Nolan, drejtues i ankandit ‘Julien’.

Vitin e kaluar, një tjetër përkatësi e Cobain u shit për një shifër shumë të lartë. Një bluzë në ngjyrë ulliri e fillim viteve ‘90 të cilën këngëtari po ashtu e përdori te shfaqja “MTV Unplugged” u shit në ankand për 230 mijë paund.

“Gjatë performancës, Kurt kishte veshur një triko jeshile që me siguri e bleu në një dyqan me rroba të përdorura për disa dollarë, me njolla edhe erë cigareje dhe gjithsesi ne e shitëm në tetor të vitit të kaluar për një shifër të konsiderueshme”, shtoi z. Nolan.

Shifra për të cilën u shit kitara e bën instrumentin me tela më të shtrenjtë që është shitur ndonjëherë në ankand, duke eklipsuar mbajtësin e mëparshëm të rekordit, Black Stratin e David Gilmour.