Rekordet kohore në krijimin e komisionit për shkarkimin e Metës

Komisioni Hetimor për shkarkimin e Presidentit Ilir Meta u krijua në kohë rekord. Pa u certifikuar ende rezultati i zgjedhjeve të 25 prillit, socialistët nisën dhe përfunduan në kohë rekord procesin parlamentar që i paraprin shkarkimit të presidentit.

Në 8 ditë, Kuvendi mori me shpejtësi një sërë veprimesh parlamentare, për shkarkimin e Presidentit Ilir Meta:

• U bë kërkesa për shkarkimin e presidentit nga 49 deputetë,
• Kërkesa u fut në rendin e ditës nga konferenca e kryetarëve,
• Komisioni i Ligjeve shqyrtoi kërkesën, hartoi një raport dhe votoi pro ngritjes së një komisioni hetimor për shkarkimin e presidentit,
• Kuvendi votoi pro ngritjes së komisionit hetimor,
• U mbajt mbledhja e parë e komisionit hetimor.

Edhe pse në të gjitha këto veprime parlamentare nuk u shkel ligji, u dëmtua fryma e ligjit: procesi i shkarkimi të presidentit duhet të jetë transparent, i kujdesshëm dhe tu japë mundësi të gjitha palëve të luajnë rolin e tyre në proces.

Këto veprime garantojnë legjitimitetin e veprimit.

E gjithë kjo ngutje ëshët bërë më një qëllim: Vendimi për shkakrkimin e Presidentit të merret nga kuvendi i tanishëm. Shkarkimi i presidentit kërkonvotën e 2/3 të deputetëve ose 94 deputetë. Në parlamentin e shtatorit, Kryeministri Rama nuk i ka këto vota.

Prandaj socialsitët duan t’i mbyllin procedurat e shkarkimit të Presidentit brenda 2 muajve të ardhshëm.

Nga ana tjetër ligji nuk lejon mgritjen e komisioneve parlamentare 4 muajt e fundit të një legjislature. Pra, komisionet hetimore mund të ngriheshin deri më 9 maj, ndaj socialistët u ngutën ta mbyllin para kësaj date.

Komisioni hetimor do të shënojë afat kohor rekord në historinë e parlamentarizmit shqiptarë: Anëtarëve të komisioni kanë afat 3 javë për të hetuar shkeljet e pretenduara të presidentit, dhe të vendosin për të propozuar ose jo shkarkimin e tij.

Komisionet e mëparshme gjatë 30 viteve të fundit kanë patur minimumi 3 muaj kohë për të hetuar çështjet për të cilat janë ngritur, përfshi edhe shqyrtimin e procesit të pajisjes me certifikatë sigurie të ish-zv.ministrit të Jashtëm, Gent Cakaj.