Reshjet e dëborës, ARRSH: Zona e Qafë Thorës vijon e bllokuar, shkak rënia e vazhdueshme e ortekëve

Autoriteti Rrugor Shqiptar, ARRSH përmes një postimi në “Facebook” ka zbuluar detaje nga situata në terren pas reshjeve të dendura të shiut dhe dëborës në vend. ARRSH thekson se dëbora ka nisur në lartësi mbi 800m në zonën veriore dhe në juglindje të vendit.

Mësohet se zona e Qafë Thorës vijon të jetë e bllokuar prej rënies së vazhdueshme të ortekëve. ARRSH shton se kontraktorët me mjete dhe punëtorë janë në terren po punojnë me pastrimin e akseve rrugore dhe shpërndarjen e kripës për të evituar ngricat.

“Gjatë natës ka pasur reshje shiu me intensitet mesatar dhe në orët e para të mëngjesit ka filluar dëbora në zonën veriore në lartësi mbi 800m, si dhe në juglindje të vendit

Reshje dëborë ka pasur në: Bajram Curri–Valbonë, Ura e Bujanit–Qafë Morinë, Fierzë–Bajram Curri, Kukës–Krumë, Kukës–Shishtavec, Hani i Hotit-Vermosh, Bogë-Theth. Qukës-Qafë Plloçë, Korçë-Voskopojë, Korçë-Ersekë, Ersekë-Tre Urat.

Përveç zonës së Qafë Thorës, e cila vijon të jetë e bllokuar prej rënies së vazhdueshme të ortekëve, të gjitha akset janë të hapura dhe qarkullimi vijon normalisht.

Kontraktorët me mjete dhe punëtorë janë në terren po punojnë me pastrimin e akseve rrugore dhe shpërndarjen e kripës për të evituar ngricat

Drejtuesit e mjeteve të kenë kujdes të shtuar gjatë drejtimit të mjetit, të pajisen me goma dimërore dhe zinxhir kur udhëtojnë drejt akseve rrugore me prezencë dëbore”, njofton ARRSH.