Rexhep Selimi del para tribunalit në Hagë: Gjykata Speciale është antishqiptare

Paraditen e sotme u zhvillua në Dhomat e Specializuara në Gjykatën e Hagës seanca ndaj Rexhep Selimit, ish-deputet në Kosovë.

Selimi tha gjatë fjalës së tij se si ligjvënës ka qenë kundër kësaj gjykate dhe e cilësoi atë si “gjykatë antishqiptare dhe kundër Kosovës”.

Aktakuzën e cilësoi të pasaktë dhe të padrejtë jo vetëm për të personalisht, por edhe për kombin dhe popullin shqiptar. Selimi theksoi më tej se është vetëm një çlirimtar dhe ka lufutar në krah të Adem Jasharit për lirinë e Kosovës

Ish-luftëtar i UÇK-së akuzohet për krime lufte bashkë me ish-Presidentin Hashim Thaçi, ish-kreun e PDK-së Kadri Veseli dhe ish-kryetari i Kuvendit, Jakup Krasniqi.

Ndaj tij rëndojnë gjashtë akuza për krime kundër njerëzimit, ku përfshihen përndjekje, burgosje, akte të tjera çnjerëzore, tortura, vrasje dhe zhdukje me fortës.

Selimi bashkë me pjesëtarët e tjerë të elitës së UÇK-së u arrestuan më 5 nëntor në Prishtinë dhe më pas u transferuan në Holandë. 

Lexoni gjithashtu: 

‘Jam një çlirimtar, luftën e kam nisur me Adem Jasharin’, Rexhep Selimi në Hagë: Ndihen i pafajshëm, aktakuza shumë e rëndë

Akuzat për krime lufte, PDK pezullon punën këtë javë në Kuvend, Tahiri: Kërkojmë solidaritet edhe me partitë e tjera