Rezoluta kundër korrupsionit, Gogu ftesë opozitës t’i bashkohet: Qëllimi që ka

Partia Socialiste ka propozuar një draftrezolutë për thellimin e reformave për mirëqeverisjen, sundimin e ligjit dhe luftën kundër korrupsionit për Shqipërinë 2030 në Bashkimin Europian.

I ftuar në emisionin Now në Euronews Albania, deputeti socialist Toni Gogu, i bëri thirrje opozitës shqiptare që të bëhet pjesë e kësaj nisme.

Gohu theksoi se projekti kundër korrupsionit është një projekt mbarëkombëtar dhe ndaj është e nevojshme që të marrin pjesë sa më shumë shqiptarë duke përfshirë dhe opozitën.

Deputeti socialist theksoi se nuk do të jetë politika që do ta analizojë se ku çalon sistemi i drejtësisë, por do të jetë vetë gjyqësori që do ta bëjë atë.

“Kemi një ftesë për opozitën shqiptare, sepse dhe reformën në drejtësi me Saliun e bëmë ne, se dëgjova këtu që thanë se “këta i thanë që janë të zinj dhe si i zgjasin dorën e konsensusit. Ky është projekt mbarëkombëtar dhe ndaj ne duam që sa më shumë shqiptarë të bëhen pjesë e tij. PS e nisi reformën e drejtësisë e vetme që në 2019 dhe kërkonte Paktin Kombëtar për Drejtësinë. Kjo është në analet e historisë. Që Partia Socialiste është e vetme në reformën në drejtësi, kjo është e qartë se na lanë të vetëm rrugës, njëri maj penxheres dhe tjetri në maj të hekurave dhe e dini çfarë mirë thonë. Ne jemi gojë-kyçur, nuk anatemojmë në darkë dhe të puthemi në mëngjes. PS u bën ftesën të gjithë shqiptarëve dhe ndërkombëtarëve. Nuk e dimë ne ku çalon gjyqësori, do ta analizojë vetë gjyqësori atë”, tha Gogu.

LEXONI GJITHASHTU:

• Rama: Nuk mbaj asnjë burrë me para të vjedhura në karrige, kur vjen ora të thirret
• Rama: Çdo anëtar i familjes së PS që bën korrupsion është një tradhtar i dyfishtë