Zgjidhen tre anëtarët e rinj të Këshillit të Lartë Gjyqësor

Këtë të premte u zgjodhën tre anëtarët e rinj të Këshillit të Lartë Gjyqësor. Kandidatët të cilat morën besimin në këtë organ janë Irena Plaku, Ridvan Hodo dhe Klodian Kurushi.

Këto tre anëtarë të rinj zgjidhen pasi u mbaron mandati Ilir Toskës, Brunilda Kadi dhe Medi Bici.

Ridvan Hodo është zgjedhur anëtar i Këshillit të Lartë Gjyqësor nga radhët e Gjykatave të Apelit.

Ai fitoi postin pranë KLGJ pasi arriti të sigurojë 140 vota, kundrejt gjyqtares Vojsava Osmanaj, e cila mori 101 vota.

Po ashtu, edhe Irena Plaku u zgjodh si anëtare e KLGJ nga radhët e Gjykatave të Shkallës së Parë. Ajo siguroi 158 vota, kundrejt kandidates tjetër Majnjola Xhazho, e cila mori 75 vota dhe 13 të tjera rezultuan të pavlefshme.

Këshilli i Lartë Gjyqësor është organ kolegjial, që përbëhet  nga 11 anëtarë, të cilët shërbejnë në detyrë me kohë të plotë.

Prej tyre, gjashtë anëtarë të Këshillit janë gjyqtarë që vijnë nga të gjitha nivelet e pushtetit gjyqësor.

Konkretisht 1 anëtar vjen nga Gjykata e Lartë, 2 nga Gjykatat e Apelit dhe 3 nga Gjykatat e Rretheve Gjyqësore.

LEXONI GJITHASHTU: 

• Gjashtë kandidatët që synojnë të zgjidhen anëtarë të KLGJ