Rikthehen abonetë e përgjithshme me të njëjtin çmim

Këshilli Bashkiak i Tiranës ka vendosur të rikthejë abonetë e përgjithshme nga data 1 korrik, me po të njëjtin çmim si më parë.

Dashnor Memaj, kryetar i Shoqatës së Transporteve tha se vendimi i marrë për heqjen e abonesë së përgjithshme nuk lidhej me ndryshimin në koston apo formatin, por për të bërë një studim që lidhej me disa faktorë.

“Rrjedhimisht shumë subjekte të transportit qytetas e kanë konkurrencën e brendshme jo të ndershme sepse pamë që abonoja e përgjithshme po shitej me çmim nën kosto, nën çmimin e parapërcaktuar dhe ndikuar nga kjo transporti do një riorganizim”, u shpreh Memaj, teksa solli në vëmendje se situata e transportit nuk është e njëjtë me atë para pandemisë COVID-19.

Sipas tij, heqja e aboneve u bë për të matur frekuencat dhe për të rikthyer në kushte të plota ofrimin e shërbimit.

Edhe pse me vendimin e mëparshëm ishte njoftuar se  abonentë e përgjithshme  do të hidheshin në treg në 1 shtator, bashkia sqaroi se falë procesit të shpejtë të vrojtimit dhe mbledhjes së të dhënave për transportin publik u mor ky vendim.

LEXONI GJITHASHTU:

• Enton Punavia: Transporti publik u ndikua nga pandemia, heqja e abonesë ishte e domosdoshme
• Protestë për abonenë, qytetarët: Heqja për 3 muaj kosto për ne, po ecim në këmbë
• Bashkia e Tiranës rikthen abonenë e përgjithshme