Rikthehet “ABC” e Muzeut të Arsimit në Korçë pas zhvendosjes, Gjergji Koki tregon se janë shtuar elementë të rinj

Ministria e Kulturës rikthen të plotë kompleksin skulpturor të “ABC” në Muzeun e Arsimit në Korçë duke i vendosur ato në pjesën ballore të muzeut.

Po ashtu, rikthen bankat tradicionale, të cilat ndodheshin prej 30 vitesh në këtë ndërtesë.

Ky vendim i jep përgjigje reagimeve të qytetarëve të Korçës, të cilët kanë kërkuar rivendosjen e shkronjave në vendin fillestar.

Lidhur me emrin nuk ka pasur asnjë ndryshim, pasi sipas burimeve brenda në ministri emri i këtij muzeu është vendosur që prej 7 Marsit të 1967-ës dhe asnjëherë më pas.

Gjergji Koko, drejtor i Drejtorisë Rajonale të Trashëgimisë Kulturore në Korçë sqaroi në Euronews Albania se Muzeu i Arsimit në Korçë pësoi vetëm një restaurim.

“Është restauruar çdo element i godinës, duke realizuar një restaurim çlirues”, u shpreh ai.

Sa i përket debatit të krijuar, ai tha se është përdorur politikisht edhe nga ata që nuk e kanë parë ende muzeun brenda saj.

“Bankat janë elementë që janë vendosur në ‘87, bankat janë shtuar pasi për ato ka pasur një ndjeshmëri”, tha zoti Koko.

Ai theksoi se debati duhet të ishte për degradimin që i ishte bërë kësaj godine për vite me radhë dhe tek elementë e rinj që i janë shtuar këtij muzeu.

Lexoni gjithashtu:

Rikonstruksioni i “Mësonjëtores” në Korçë sjell debat, Auron Tare: Emri nuk duhej ndryshuar

“Mësonjëtore” apo “muze”? Rikonstruksioni nxit debate publike, që nga emri deri te struktura