Rikthehet edicioni 74 i Festivalit të Filmit në Kanë, përgatitjet drejt fundit

Edicioni i 74-t i Festivalit të Filmit në Kanë do të rikthehet nesër pas një shtyrjeje që u bë prej pandemisë dhe përgatitjet janë drejt fundit.

Mes këtyre përgatitjeve janë vendosja e posterave gjigandë që zbukurojnë pjesën e përparme të “Palais Des Festivals”, ku zhvillohet ceremonia.

Se cili film do të marrë çmimin kryesor “Palma e Artë”, do të vendoset nga regjisori Spike Lee dhe kryetari i jurisë së festivalit.

Të gjithë të ftuarit dhe ata që do ecin mbi tapetin e kuq nesër, duhet të kenë një test negativ të COVID-19 ose duhet të jenë të vaksinuar.

Rikthimi i Festivalit të Filmit në Kanë është emocionues jo vetëm për artin, por dhe për pronarët e restoranteve, lokaleve dhe hoteleve, që presin me padurim turistët.

Këtë e pohoi dhe Mélanie De Perst, pronare e restorantit “l’Epicurien”, në Francë.

“Eventet janë shumë të rëndësishme për ne, është një moment i veçantë. Kjo është arsyeja pse ne e duam festivalin në Kanë. Ka shumë turistë, njerëz që vijnë nga e gjithë bota. Na mungoi, ne fitojmë edhe sa i përket financave. Jemi të entuziazmuar, kemi qëndruar optimistë që nga fillimi i krizës, jemi të kënaqur që i shohim sërish turistët”, – u shpreh ajo.

LEXONI GJITHASHTU: 

• Festivali i filmit “Tribeca” rikthehet në New York, eventi mbledh yjet e kinematografisë
• Rolling Film festival në Kosovë, promovohet arti rom dhe jepet çmimi “Young Talent Award”
• Festivali Ballkanik në Bruksel, nga 21-25 prill mund të ndiqni online muzikë, filma dhe dokumentarë