Rikthehet jeta artistike, hapen baret në Zvicër por deri në mesnatë

Qeveria zvicerane ka lejuar  grumbullimet publike deri në 300 persona, vendimi, i cili vlen për sallat e koncerteve, teatrot dhe kinematë.

Baret dhe klubet rinisin aktivitetet në Zvicër, por qëndrojnë të hapura deri në mesnatë duke respektuar masat paraprake të sigurisë.

Klubi “Moulin Rouge” në Gjenevë regjistroi në një listë të dhënat personale të secilit klientë, siç kërkohet nga ligji dhe u siguroi të gjithëve një maskë që të mbulonin fytyrën.

Menaxherët janë pak skeptik për rihapjen dhe mënyrën e re të të jetuarit.

“Ne kemi një atmosferë të shkëlqyer. Klientët vijojnë lojën, por mbyllja në mesnatë është shumë e vështirë për ne,” shprehet Jean Marc Humberset pronar i klubit.

`Në një pikë duhet të jeni realist.  Ju nuk mund të hapni një klub nate duke i detyruar njerëzit të mbajnë maska” thotë Seney Okbazghi, drejtor arti.

Edhe në anën tjetër të spektrit të kulturës së Gjenevës, dashamirësit e muzikës klasike respektuan  distancimin shoqëror pasi Orkestra e qytetit dha një shfaqje falas për të shënuar rinisjen e aktivitetit të munguar prej muajsh.