Rikthehet Maratona e Tiranës

Maratona e Tiranës rikthehet këtë vit me edicionin e gjashtë të saj. Këtë gjë e konfirmon edhe pjesëmarrja e 2.500 vrapuesve nga anembanë botës.

Maratona e Tiranës do të zhvillohet më datën 23 tetor dhe do të përfshijë katër kategori si “Marathon” (42.195 kilometra), “Half Marathon” (21, 0975 kilometra), “Tirana 10k” si dhe “We too”, ku kjo e fundit ka për qëllim të jetë më shumë motivuese se sa garuese.

Gjithashtu nuk do të mungojë as kategoria “Fun Run”, e cila zhvillohet një ditë para garës së madhe, respektivisht më datën 22 tetor, ku pjesëmarrës do të jenë të rinjtë e Shkollave të Mesme të Tiranës.

Programi i ri, i certifikuar nga Federata Ndërkombëtare e Atletikës (IAAF), do të përfshijë pikat më atraktive të qytetit, duke e bërë këtë garë edhe argëtuese dhe jo vetëm një sfidë.

Edicioni i 6-të i kësaj ngjarjeje, e cila tashmë është kthyer në një traditë, organizohet me aprovimin e tre programeve të miratuara nga Federata Botërore e Atletikës IAAF, duke i dhënë epitetin e një aktiviteti ndërkombëtar.

LEXONI GJITHASHTU:

• Rëndohet trafiku në Pogradec, shkak maratona e vrapit