Nis në Bruksel takimi Kurti-Vuçiç, të pranishëm në tryezën e bisedimeve Borrell dhe Lajçak

Ka nisur në Bruksel takimi i parë mes kryeministrit të Kosovës Albin Kurti dhe presidentit të Serbisë, Aleksandër Vuçiç.

Në tryezën e bisedimeve merr pjesë edhe kreu i diplomacisë së BE-së, Josep Borrell dhe i ngarkuari i Bashkimit Evropian për dialogun Kosovë-Serbi Miroslav Lajçak.

Kryeministri i Kosovës Albin Kurti ka paralajmëruar se takimi me presidentin serb Aleksandër Vuçiç, i pari mes tyre, nuk do të jetë për dialogun e moçëm, por diskutim për formatin e bisedimeve për të ardhmen.

Ndërkaq, Bashkimi Evropian pret që në takimin të ketë vazhdim të negociatave për temat e mëparshme dhe marrëveshjet e dialogut, dhe jo ndonjë fillim të ri i dialogut.

Zëdhënësi në Komisionin Evropian, Peter Stano, ka thënë për agjencinë Beta, se “ky nuk është një dialog i vjetër, por një dialog i vazhdueshëm, i ndërmjetësuar nga Bashkimi Evropian”.