Rinisin fluturimet me 4 shtete, TIA jep detaje: Nisjet nga Shqipëria janë ende të kufizuara

Tirana International Airport ka bërë me dije se kanë rifilluar këtë të hënë fluturimet me Austrinë, Serbinë, Gjermaninë dhe Greqinë. Sipas TIA-s, nisjet nga Shqipëria janë ende të kufizuara për personat që nuk janë të pajisur me leje qëndrimi apo pasaportë për destinacionet e sipërpërmendura.

Ata që do lejohen të fluturojnë në fashat e mëposhtme  janë vetëm rezidentët e Bashkimit Europian. 

Destinacionet dhe orari i fluturimeve gjatë ditës së sotme

-Austria Airlines – Fluturimi nga Vjena mbërrin në 14:20 dhe niset në 15:05

-Air Serbia – Fluturimi nga Beogradi mbërrin në 14:30 dhe niset në 15:00

-Air Albania – Fluturimi i riatdhesimit nga Frankfurti mbërrin në 18:15

-Aegean Airline – Fluturimi nga Athina mbërrin në 19:25 dhe niset në 20:05.

Ky institucion shprehet se pasagjerët duhet të respektojnë masat e higjienës dhe të mbajnë maskë gjatë udhëtimit. 

“Ju lutemi pasagjerëve që udhëtojnë, të respektojnë protokollet e higjienës. Maskat janë të detyrueshme. Ndërkohë, nisjet nga Shqipëria janë ende të kufizuara për personat që nuk janë të pajisur me leje qëndrimi apo pasaportë për destinacionet e sipërpërmendura. Lejohen të udhëtojnë vetëm rezidentët në Bashkimin Europian dhe nënshtetasit EU. Situata ndryshon me orë, ndaj ju lutemi dhe për pak durim. Çdo njoftim i shtetit shqiptar në lidhje me çdo fluturim, do t’jua përcjellim menjëherë në faqet tona zyrtare”, njofton TIA në “Facebook”.