Rritet çmimi i naftës në Shqipëri, ekspertët: Duhet të rishikohen taksat

Një litër naftë tregtohet prej ditësh në pikat e karburanteve deri në 180 lekë, ndërsa një muaj më parë çmimi ishte 10 deri 15 lekë më lirë.

Ky shtrenjtim është pasojë e rritjes së çmimit të naftës në bursa, shfaqur nga rritja e kërkesës pas hapjes së ekonomive globale nga pandemia, duke bërë që në tregjet ndërkombëtare një fuçi të shitet për $73.8 dollarë.

Por në Shqipëri, konsumatorët prej vitesh ankohen sistematikisht për çmimin e karburanteve, që tejkalojnë rajonin madje edhe Europën.

Kjo për faktin se për çdo litër karburant që tregtohet këtu, qytetarët paguajnë 100 lekë në 7 taksa direkte, 5 prej të cilave shkojnë në arkën e shtetit dhe dy për llogari të koncesionarëve.

Por si krahasohet Shqipëria me vendet e tjera? Në rajon, qytetarët paguajnë rreth 50 lekë taksa direkte vetëm për akcizë dhe TVSH, ndërsa skanimi edhe markimi nuk ekzistojnë.

Ekspertë të hidrokarbureve thanë për Euronews Albania së çmimi i naftës do të jetë në këto nivele deri në fillim të vitit 2022, nisur nga kërkesa dhe kuotat e prodhimit nga OPEC në Emiratet Arabe, ndërkohë që zgjidhjen për uljen e çmimit mund ta japë vetëm qeveria duke rishikuar sistemin e taksave direkte.

LEXONI GJITHASHTU: 

• Rritet çmimi i karburanteve, nafta dhe benzina 5 lekë më shtrenjtë në tregun e pakicës
• KKT kalon 45 vendime, 13 hotele në bregdet, testohet nafta në Shpirag
• Pamjet tregojnë katastrofën ekologjike nga nafta e derdhur në Mauritius