RMV sytë nga “Korridori 8”, shpresë për të krijuar bashkëpunim me Bullgarinë

Maqedonia e Veriut ka dërguar një propozim për bashkëpunim Bullgarisë dhe Shqipërisë për investime në “Korridorin 8”, i cili lidh të tri shtetet.

Për “Korridorin 8”, korrespondenti Benjamin Arifi raportoi në Euronews Albania se ky projekt është edhe një nga kërkesat e Bullgarisë për zhbllokimin e negociatave të RMV me Bashkimin Europian.

“’Iniciativa 8’ e zotit Osmani është më shumë mbindërtim i korridorit të 8, që duhet të përfshijë lidhjen mes RMV, Bullgarisë dhe Shqipërisë. ‘Iniciativa 8’ sipas ministrit të Jashtëm do të përfshije edhe bashkëpunime të tjera në rrafshin politik, ekonomik dhe atë të sigurisë. ‘Korridori 8’ është edhe një nga kërkesat e Bullgarisë për zhbllokimin e  negociatave të RMV me Bashkimin Europian, të paktën jo zyrtarisht”, tha Arifi.

Kështu, diplomacia e Maqedonisë së Veriut do të shfrytëzojë çdo kanal të mundshëm për të krijuar një afrim dhe bashkëpunim me Bullgarinë.

Ndërkohë, ministri i Jashtëm Bujar Osmani shpjegoi se “Iniciativa 8” ka për qëllim përpos bashkëpunimit ekonomik, politik dhe atë shoqëror.

Lexoni gjithashtu:

”Iniciativa 8”, Maqedoni e Veriut propozon bashkëpunim trilateral me Shqipërinë dhe Bullgarinë