Romani “Pusulla të Verdha” i shkrimtares Vera Bekteshi fiton Çmimin “Kadare”

Me romanin “Pusulla të Verdha” shkrimtarja Vera Bekteshi fitoi çmimin letrar “Kadare”. Në këtë libër, Bekteshi ka zgjedhur si subjekt refuzimin për të ndyshuar, duke sjellë në qëndër të rrëfimit personat me aftësi ndryshe.

Me këtë libër, Bekteshi u bashkohet botimeve të autorëve të tjerë fitues të Çmimit “Kadare”, që sapo kurorëzoi edicionin e shtatë.

Një aleancë grash, e cilësoi Belina Budini, dekane e Fakultetit të Shkencave Humane dhe Arteve Liberale në UET dhe anëtare e jurisë së Çmimit Kadare për vitin 2022.

Votimi për romanin “Pusulla të Verdha”, zbuloi më tej Budini ishte unanim, ndërsa në jurinë e këtij edicioni vihej re një dominim i grave.

Çmimi “Kadare” është një prej çmimeve të rëndësishme në botën e letrave shqipe i cili ka nisur rrugëtimin që prej vitit 2015 dhe Bekteshi bëhet e para autore grua që e merr këtë çmim.

LEXONI GJITHASHTU

• Bota magjike e prozës popullore të shkrimtarit Virgjil Muçi, autorit më të mirë të Panairit 2021