Ronaldo dhe Buffon nderohen me çmim special nga presidenti i UEFA-s

Në Montecarlo është hedhur shorti për UEFA Champions League, ku do të aplikohet për herë të parë formati i ri, në të cilin faza e grupeve do të përbëhet nga 36 skuadra.

Presidenti i UEFA-s, Aleksandar Ceferin, në fillim ndau dy çmime speciale: Cristiano Ronaldo u vlerësua si golashënuesi më i mirë i kësaj gare në histori dhe portieri Gianluigi Buffon mori një çmim special për karrierën e tij (çmim presidencial).

“Buffon ka pasur më shumë paraqitje në histori, për kombëtaren italiane. Ai nuk ishte një lojtar i zakonshëm, por një baba dhe mësues për shokët e tij. Ai ishte numri një në çdo kuptim. Për mua, ai është portieri më i mirë në histori”, tha Ceferin teksa shpjegoi pse zgjodhi Buffon.

Golashënuesi më i mirë i të gjitha kohërave në Champions, në 183 ndeshje Cristiano Ronaldo u nderuar gjithashtu nga Ceferin.

“Nëse duam të flasim për karrierën e tij, nuk kemi kohë për këtë. Nëse flasim për Champions League, kur bëhet fjalë për golat, mendojmë para së gjithash për Cristiano Ronaldon. Për momentin, kam një problem sepse ai nuk luan në kompeticionin tonë dhe, meqë nuk plaket, mund të kthehet edhe në Ligën e Kampionëve”, tha Ceferin.

“Çmimi do të thotë shumë për mua. Liga e Kampionëve është gjëja më e mirë që mund të kesh në futboll. Është një nder i madh të luash këtë kompeticion, kur dëgjon muzikën e këtij kompeticioni merr një kujdes dhe energji”, u shpreh Ronaldo në fjalën e tij falenderuese.