Rrëfimet e vëllezërve Beqiraj çuan në burg 12 persona pjesë të një grupi kriminal

Arrest me burg pa afat, ka dhënë gjykata e Durrësit për dy vëllezërit Gentjan dhe Indrit Beqiraj, të cilët nëpërmjet dëshmisë nxorën në dritë një tjetër rrjet kriminal për kryerjen e krimeve me pagesë në Shqipëri.

Arrest me burg u dha edhe për Flamur Bejkon punonjës i policisë së burgut.

Avokatja e tij, Liljana Tanko e cilësoi operacionin një serial me puntata dhe provat të pamjaftueshme.

“Asnjë provë. Është i gjithi një serial me puntata, ku asnjëra nuk ka asnjë pikë takimi në hapësirë e në kohë.”- tha Tanko. 

Avokati Gjon Huli i vëllezërve Beqiraj nuk kanë pranuar të kenë lidhje me të pandehurit e tjerë.

 “Për klientin tim nuk ka asnjë lloj prove Vetëm fjalët e dy personave që janë të arrestuar dhe që vetë ata e pranojnë se nuk kanë lidhje me ne. Këtë pohoi edhe Fatjon Hajdari, i vetmi që u la i lirë nga gjykata e Durrësit”- tha Huli.

Sipas tij, 2 vëllezërit kishin implikuar edhe të tjerët në këtë grup vetëm përshkak të interesave të tyre personale.

 “Asnjë nuk e pranoi akuzën nga ata personat, që kanë thënë u kemi shitur e u kemi blerë armë. Kanë ngatërruar dynjanë. I bëjnë këto vetëm për interesat e veta, që të kërkojnë azil e të ikin jashtë, që t’i mbrojë shteti.”- u shpreh Fatjon Hajdari.

Gjatë seancës me dyer të mbyllura mësohet se janë krijuar debate të forta në dy raste, në fillim të nisjes së saj dhe më pas me ardhjen e dy vëllezërve në sallën e gjyqit.

Në fund, trupi gjykues rrëzoi kërkesën e Prokurorisë për shpalljen e moskompetencës lëndore dhe kalimin e dosjes për hetime të mëtejshme në Prokurorinë e Posaçme Kundër Krimit dhe Korrupsionit.

LEXONI GJITHASHTU: 

• Drejtësia lë në burg Lefter Kokën, në ditën kur ‘dërgon në shtëpi’ Alqi Bllakon
• U dogj teksa punonte, humb jetën 58-vjeçari shqiptar
• Kush është fajtor për ‘sabotimin’ e tubacioneve ruse?