Rrëmbimi dhe zhdukja e Leonard Thodhorit dhe Fatmir Sulovarit, në gjyq tre persona

Prokuroria e Sarandës ka dërguar në gjyq tre persona në lidhje me rrëmbimin e Leonard Thodhorit dhe Fatmir Sulovarit në vitin 2023.

Në gjyq janë dërguar shtetasit A.M., S.B. dhe S.L., ndaj të cilëve rëndojnë tre vepra penale: rrëmbimi dhe mbajtja peng e personit, deklaratat e rreme përpara oficerit të policisë gjyqësore, si edhe trafikimi i mjeteve motorike.

Çështja për këta tre persona është e ndarë nga ngjarja e rrëmbimit ndërsa A.M. akuzohet për veprën penale “Rrëmbimi ose mbajtja peng e personit”; S.B. për veprën penale “Deklaratat e rreme përpara oficerit të policisë gjyqësore”; ndërsa S.L. për veprën penale “Trafikimi i mjeteve motorike”.

Ndërkohë, vijojnë hetimet për gjetjen e shtetasve të rrëmbyer dhe identifikimin e personave të tjerë të dyshuar të përfshirë në këtë ngjarje.

Njoftimi i plotë

“Prokuroria Sarandë dërgon në gjyq tre persona për tre vepra penale në lidhje me rrëmbimin e shtetasve L.Th. dhe F.S. në vitin 2023

Prokuroria pranë Gjykatës së Shkallës së Parë të Juridiksionit të Përgjithshëm, Sarandë, përfundoi hetimet dhe dërgon në gjyq shtetasit A.M., S.B., dhe S.L. për veprat penale “Rrëmbimi ose mbajtja peng e personit”, “Deklaratat e rreme përpara oficerit të policisë gjyqësore” dhe “Trafikimi i mjeteve motorrike” parashikuar nga nenet 109/3, 305/b dhe 141/a/2 të Kodit Penal.

Në përfundim të hetimeve mbi procedimin penal nr.169/2023 dhe 369/2025 (ndarë nga procedimi penal nr.169/2023) në lidhje me ngjarjes e rrëmbimit të shtetasve L.Th. dhe F. S., dërgohet për gjykim çështja penale në ngarkim të të pandehurve si më poshtë:
1.​A. M, i dyshuar për veprën penale “Rrëmbimi ose mbajtja peng e personit” parashikuar në nenin 109/3 dhe 25 të K.Penal;

2.​S. B, i dyshuar për veprën penale “Deklaratat e rreme përpara oficerit të policisë gjyqësore” parashikuar nga neni 305/b i K.Penal; dhe

3.​S. L, dyshuar për veprën penale “Trafikimi i mjeteve motorrike” parashikuar nga neni 141/a/2 i K.Penal.

Nga ana e Prokurorisë pranë Gjykatës së Shkallës së Parë të Juridiksionit të Përgjithshëm Sarandë po vijojnë hetimet për gjetjen e shtetasve të rrëmbyer dhe identifikimin e personave të tjerë të dyshuar të përfshirë në këtë ngjarje”, thuhet në njoftim.

LEXONI GJITHASHTU:

• U zhduk me Koçolen/ Koka e njeriut në Sarandë, familjarët e Sulovarit në vendngjarje
• EMRI| Kush është 29-vjeçari i arrestuar për zhdukjen e “Koçoles” dhe Sulovarit