Rrëzimi i helikopterit ushtarak në Kenia, shefi i shtabit mes 9 viktimave

Shefi i Shtabit të Përgjithshëm të Ushtrisë Keniane, gjenerali Francis Omondi Ogola, vdiq në rrëzimin e një helikopteri ushtarak, njoftoi sot presidenti kenian, William Ruto.

Ai tha në një konferencë për shtyp se incidenti ishte një “moment tragjik” për Kenian, raporton BBC.

Më herët sot, autoritetet lokale njoftuan se një helikopter ushtarak ishte rrëzuar në Kenia.

Nëntë persona u vranë në rrëzimin e helikopterit dhe dy mbijetuan, raportoi Reuters, duke cituar burime të paidentifikuara.

Presidenti kenian thirri një seancë urgjente të Këshillit të Sigurimit.

Ruto tha se përplasja ndodhi në orën 14:20 me kohën lokale dhe Forcat Ajrore të Kenias kanë dërguar një ekip për të përcaktuar shkakun e rrëzimit.

LEXONI GJITHASHTU:

• Rrëzohet helikopteri ushtarak në Kenia, 5 të vdekur
• Presidentja Vjosa Osmani takon homologun e Kenias, William Ruto