Rrëzohet avioni mbi Uashington, fluturoi pa paralajmërim

Autoritetet amerikane po hetojnë rrëzimin e një avioni privat ditën e diel në Virxhinia, i cili po fluturonte në afërsi të Uashington DC duke vënë në alarm Kepitol Hill.

Dy avionë luftarakë u ngritën në ajër nga baza ajrore në Merilend dhe u vunë në ndjekje të avionit privat, i cili nuk po u përgjigjej komunikimeve të radarëve të sigurisë.

Dy mjetet e forcave të armatosura arritën të kalonin pengesën e zërit në ndjekje të avionit të markës “Cesna”.

Zhurma, e njohur si “Sonik Bum”, u dëgjua në rrezen e disa kilometrave përpara se avioni të rrëzohej. Pronari i mjetit fluturues tha se në bord ndodhej familja e tij.

LEXONI GJITHASHTU:

• Alarmohen Forcat Ajrore greke, rrëzohet avioni ushtarak F-4
• Rrëzohet avioni në Greqi, humb jetën piloti