Rrëzohet qeveria bullgare pas votës së mosbesimit në parlament

Qeveria e kryeministrit bullgar Kiril Petkov u rrëzua këtë të mërkurë pas një vote mos-besimi në parlament.

Kjo votë u thirr si pasojë e politikave ekonomike dhe fiskale gjë që mund t’i hapë me shumë mundësi rrugën një raundi të ri zgjedhjesh.

Partitë opozitare dhe partia ITN – dikur aleate e qeverisë – u bashkuan për të rrëzuar qeverinë e Petkov me një diferencë votash 123 me 116, duke e dërguar kështu shtetin anëtar të Bashkimit Europian drejt një të ardhmeje të pasigurt politike përballë luftës në Ukrainë dhe normave të larta të inflacionit.

Tashmë, partia centriste e Petkov, PP do të ketë një shans të dytë për të propozuar një qeveri të re në parlament. Nëse kjo dështon, 2 parti të tjera do të kenë mundësi të paraqesin propozimet e tyre dhe nëse kjo tentativë dështon sërish, presidenti do të emërojë një kabinet provizor i cili do të ndiqet nga zgjedhjet e parakohshme.

Lajmi po përditësohet…