Rriten eksportet dhe importet në shkurt 2026, deficiti tregtar mbetet i lartë

Në muajin shkurt, tregtia e jashtme e mallrave në Shqipëri ka shënuar rritje, si në eksporte ashtu edhe në importe.

Shitjet e mallrave jashtë vendit kushtuan 30,9 miliardë lekë, ose 3% me shume se shkurtin e vitit 2025. Nga ana tjetër, importet e mallrave arritën 68 miliardë lekë, me rritje vjetore rreth 1%.

Si rezultat, deficiti tregtar për muajin shkurt arriti në 37,1 miliardë lekë. Ky nivel paraqet një ulje të lehtë krahasuar me vitin 2025, por shfaq rritje afro 20% në raport me muajin janar.

Në tregun e eksporteve, efekti pozitiv ka ardhur kryesisht nga shitja e mineraleve, energjisë elektrike dhe makineritë e pjesët e këmbimit, ushqimet, tekstilet dhe materialet e ndërtimit nuk kanë pasur trend ne rritje gjate muajit te kaluar.

Sa i përket importeve, rritja është ndikuar nga makineritë, ushqimet, energjia elektrike dhe lendet djegëse.

Pjesa me e madhe e mallrave për eksport kanë shënuar rritje drejt Kosovës dhe Gjermanisë, ndërsa me Italinë dhe Spanjën raportohet rënie.

Ndërkohe ne krahun e importeve, rritja më e madhe është shënuar nga Kina dhe Kosova me mbi 40%.

Tregtia me vendet e Bashkimit Evropian zë peshën kryesore në shkëmbimet tregtare të Shqipërisë me 56 % të totalit, ku  eksportet përfaqësojnë 70% të vëllimit dhe importet rreth 50%.