Rritet numri i të infektuarve dhe i të vdekurve me Covid-19 në Kosovë

Gjatë 24 orëve të fundit në Kosovë janë kryer 2056 testime të dyshuara nga Covid-19, prej të cilave janë konfirmuar 963 qytetarë të infektuar. Lajmi bëhet i ditur nga Instituti Kombëtar i Shëndetësisë Publike, i cili mes tjerash shton se 13 qytetarë të prekur kanë humbur jetën duke e çuar në total numrin e viktimave në 798.

“Numri total i rasteve pozitive është 27.851 raste nga 115.794 persona të dyshimtë në virusin SARS-CoV-2 dhe 798 raste të vdekjes.  Gjatë 24 orëve të fundit, janë shëruar 177 pacientë derisa numri i përgjithshëm i të shëruarve deri më sot është gjithsej 16.862 raste, kurse numri i rasteve aktive është 10.191”, thuhet në njoftim.

Rastet pozitive:

Komuna Prishtinë 347 raste, Ferizaj 102 raste, Podujevë 61 raste, Gjakovë 52 raste, Gjilan 51 raste, Fushë-Kosovë 45 raste, Shtime 34 raste, Prizren 30 raste, Vushtrri 28 raste, Pejë 27 raste, Mitrovicë 24 raste, Lipjan 21 raste, Viti 20 raste, Obiliq 16 raste, Rahovec 16 raste, Kaçanik 12 raste, Suharekë 12 raste, Malishevë 10 raste, Klinë 9 raste, Deçan 8 raste, Kamenicë 8 raste, Drenas 7 raste, Istog 7 raste, Skenderaj 6 raste, Dragash 5 raste, Hani i Elezit 2 raste dhe me nga një rast komunat Graçanicë, Novobërdë dhe Shtërpcë.

Kryeministri i Kosovës, Avdullah Hoti, një ditë më parë tha se situata me pandeminë është serioze, ndërsa shtoi se strukturat po bëjnë çdo përpjekje për t’iu ardhur në ndihmë qytetarëve.