Rritet numri i viktimave në Kosovë si pasojë e Covid-19

Kurba e infektimeve me Covid-19 në Kosovë vijon të jetë në rritje dhe këtë e dëshmojnë shifrat ditore.

Instituti Kombëtar i Shëndetit Publik pohon se 14 qytetarë kanë ndërruar jetë, ndërsa nga 4742 testime, 685 prej tyre kanë rezultuar pozitivë.

Personat që kanë ndërruar jetë janë të moshave nga 53- 81 vjeç, ndërsa në total Kosova raporton 1948 humbje jete si pasojë e Covid-19.

“Numri total i rasteve pozitive është 95.341 raste nga 456.664 persona të dyshimtë në virusin SARS-CoV-2 dhe 1.948 raste të vdekjes”, thekson IKSHPK.

Rastet pozitive janë nga komunat:

Prishtinë 194 raste, Gjilan 70 raste, Gjakovë 46 raste, Pejë 41 raste, Mitrovicë 38 raste, Vushtrri 35 raste, Ferizaj 31 raste, Skenderaj 31 raste, Fushë-Kosovë 26 raste, Podujevë 26 raste, Lipjan 19 raste, Viti 16 raste, Obiliq 14 raste, Deçan 13 raste, Istog 11 raste, Kaçanik 10 raste, Prizren 10 raste, Drenas 8 raste, Klinë 8 raste, Malishevë 8 raste, Kamenicë 7 raste, Suharekë 7 raste, Hani i Elezit 5 raste, Shtime 5 raste, Rahovec 4 raste dhe Dragash 2 raste.

Kosova ka miratuar një sërë masash kufizuese si përpjekje për të bllokuar rritjen e infektimeve me Covid-19.

Ajo që mbetet shqetësuese në vend është fakti se ka mungesë të theksuar vaksinash dhe kjo ka bërë, që shtrimet në spital të personave të infektuar të rriten ndjeshëm.