Rritet numri i viktimave në vend nga COVID-19, ndërron jetë 90-vjeçari nga Tirana

Rritet numri i viktimave në Shqipëri si pasojë e pandemisë globale të COVID-19. Ministria e Shëndetësisë njofton se ka ndërruar jetë në Spitalin Infektiv një pacient 90-vjeçar nga Tirana, i  cili vuante edhe nga sëmundje të tjera shoqëruese.

“Një pacient 90 vjeçar nga Tirana ka ndërruar jetë në spitalin infektiv në QSUT, i prekur nga COVID19, me disa sëmundje bashkëshoqëruese silikoza, hipertension. Ministria e Shëndetësisë i shpreh ngushëllime familjes së të ndjerit dhe i rikujton qytetarëve rëndësinë që ka respektimi i masave mbrojtëse për të kufizuar përhapjen e COVID-19”, thuhet në njoftimin e MSH.

Që nga fillimi i pandemisë numri i viktimave në Shqipëri nga COVID-19 ka shkuar në 48. Gjatë ditës së sotme u regjistruan 67 raste të reja me COVID-19, ndërkohë mbetet shqetësuese rritja e numrit të qytetarëve që kërkojnë ndihmë mjekësore.