Rritet numri i viktimave nga COVID-19, 17 të vdekur në 24 orët e fundit

Numri i vdekjeve nga COVID-19 ka pësuar rritje në vendin tonë gjatë ditëve të fundit. Në 24 orët e fundit kanë humbur jetën 17 persona, ndërsa kanë rezultuar pozitivë me virusin 680 qytetarë.

Kjo shifër e vdekjeve nuk është shënuar që prej datës 16 mars në vendin tonë.

Infektimet e reja janë konfirmuar nga 3,937 testime që janë kryer.

Gjatë 24 orëve të fundit  janë shëruar 996 qytetarë, duke e çuar numrin e të shëruarve në 156,674 që nga fillimi i pandemisë.

Rritje ka pësuar edhe numri aktual i të infektuarve në vend, ku 10,103 persona janë të infektuar me COVID-19.

155 pacientë po marrin trajtim në spitalet COVID, 21 prej të cilëve janë në gjendje më të rënduar shëndetësore.

Ministria e Shëndetësisë u bën apel qytetarëve të vaksinohen sa më parë. Qytetarët mbi 18 vjeç mund të vaksinohen në qendrat e vaksinimit.

Statistika (29 Shtator 2021)

Raste të reja ditore        680

Të shëruar në 24 orë      996

Të shtruar në spitale       155

Humbje jete në 24 orë     17

Testime ditore                 3,937

Shpërndarja gjeografike e rasteve aktive sipas qarqeve:

Tiranë   4588

Durrës  980

Fier  893

Shkodër   878

Vlorë   578

Elbasan   524

Lezhë   388

Berat     366

Korçë     273

Kukës     230

Gjirokastër   218

Dibër     187