Rritet zemërimi në Iran pas dyshimeve se policia sulmoi seksualisht një grua

Një video, në të cilën dyshohet se forcat e sigurisë në Iran sulmojnë seksualisht një protestuese – gjatë tentimeve për arrestimin e saj – ka provokuar zemërim në rrjetet sociale.

Në këto platforma është bërë thirrje për “drejtësi” dhe dorëheqje të shefit të policisë.

Edhe disa persona pro-qeverisë kanë dënuar këtë akt.

Në video shihen disa zyrtarë policorë ndërsa rrethojnë një grua në rrugën kryesore. Njëri prej tyre e kap për qafe dhe e drejton te policët tjerë, shkruan Radio Evropa e Lirë.

Ndërkohë që gruaja largohet në drejtim të një biçiklete, një zyrtar i afrohet dhe i vendos dorën në pjesën e prapme të trupit. Gruaja më pas shtrihet në tokë dhe më shumë zyrtarë policorë i afrohen.

Në video duket se nuk ka mbulesë në kokë. Ajo ka arritur të largohet nga vendngjarja.

LEXONI GJITHASHTU:

• Aktorja iraniane heq shaminë dhe zhvishet nudo në protestë kundër qeverisë së Iranit
• Gratë në mbarë botën po presin flokët për Iranin