Rudina Hajdari në Elbasan: Ngjarja është e frymëzuar 100% nga prapaskenat politike

Kandidatja për deputete nga radhët e Nismës “Thurje”, Rudina Hajdari ka dënuar ngjarjen e regjistruar sot në qytetin e Elbasanit.

Duke folur për mediat nga qyteti i Elbasanit, znj. Hajdari ngjarjen e sotme e konsideroi si vrasje me “prapvijë politike”.

Ajo theksoi se kjo ngjarje ka shkaktuar ankth dhe pasiguri të shtuar tek banorët e Elbasanit.

“Kjo situatë po u shkakton ankth shimë pasiguri të gjithë qytetarëve të Elbasanit.  Është modeli që ne duhet të refuzojmë në këtë momente. Ajo çfarë di unë, është se kjo ngjarje është e frymëzuar 100% nga prapaskenat politike, dhe fakti që është e frymëzuar nga prapaskenat politike thjesht për të marrë vota më 25 prill…Këta janë në gjendje për të bërë gjithçka, janë në gjendje të vrasin njerëzit”, tha Hajdari.

Kandidatja për deputete i bëri thirrje institucioneve të zbardhin ngjarjen e rëndë dhe autorët të ndëshkohen.

“Sapo kam folur me z. Veliu dhe jam duke komunikuar pikërisht për të marrë informacion rreth kësaj ngjarjeje. Ajo çfarë dua unë është së kjo ngjarje duhet investiguar 100% nga prokuroria dhe të dënohen jo vetëm ata që ë kanë bërë këtë, por edhe që e kanë dhënë komandën”, tha ajo.