Rusët avancojnë në Lindje, vijon bllokimi i grurit në Detin e Zi

Forcat ruse nuk i ndalin sulmet derisa të pushtojnë qytetin kyç në lindje të Ukrainës, Severdonetsk.

Ata shkatërruan urën që e lidh me qytetin e afërt të Lisichansk, duke bllokuar evakuimin e shumë civilëve.

Ushtria ruse ka sulmuar edhe termocentralin të Vuhledar në Donetsk, ku kanë marrë edhe qytetin e Svitlodarsk.

Në frontin në Mikolaiv,  trupat ukrainase  përpiqen të rezistojnë. Sipas autoriteteve ukrainase, Moska nga nisja e luftës ka humbur 40 mijë ushtarë.

Çështja kryesore që kërkon zgjidhje është pasiguria ushqimore dhe bllokimi i porteve në Detin e Zi. Kievi po përpiqet të gjejë mënyrat e duhura për eksportin e grurit që të mos prishet në porte.

Turqia ka bërë me dije se vijojnë përpjekjet për të zhbllokuar negociatat mes Ukrainës dhe Rusisë.

Një ditë më parë Rusia festoi Ditën Kombëtare dhe mijëra flamuj u shfaqën në qytetin e rrënuar të Mariupol, ku autoritetet u kanë shpërndarë  ukrainasve me dhjetëra pasaporta ruse.

U festua edhe në Krime,  ku shpërthimet e fishek zjarreve zbulojnë paradoksin se territori i aneksuar është e vetmja pjesë e Ukrainës ku nuk ka frikë nga sulmet me bomba.

LEXONI GJITHASHTU:

• Rusia fitoi 93 miliardë euro nga nafta e gazi në ditët e para të luftës
• Amnesty International akuzon Rusinë për krime lufte në Kharkiv