Ditën e sotme, forcat ruse kanë njoftuar se do të rihapin korridorin e evakuimit të qytetit të Mariupolit me kërkesë të liderëve francezë dhe gjermanë.

Sipas raportimit të zyrtarëve, më shumë se 100,000 civilë janë bllokuar në qytetin jugor.

Një ukrainas njoftoi se disa autobusë evakuimi që udhëtonin për në Mariupol u mbajtën në një pikë kontrolli rus, ku u konfiskuan 14 tonë ndihma humanitare për në Melitopol.

Presidenti i Ukrainës nuk ka dhënë shumë detaje për këtë pjesë, por vetëm ka deklaruar se ai ka shkarkuar dy gjeneralë për shkak se nuk kanë mbështetur atdheun e tyre.

Shefi i NATO-s, Jens Stoltenberg  ka paralajmëruar se forcat ruse nuk do tërhiqen, por ato po ripozicionohen duke mbajtur nën presion Kievin dhe qytetet e tjera. Zyrtarët ukrainas dhe amerikanë thonë se rusët mund të rigrupohen në Bjellorusi.

Ndërkohë, bombardime të rënda janë raportuar në Ukrainën lindore mes një ndryshimi të dukshëm nga Rusia për të ridrejtuar përpjekjet ushtarake në rajonin e Donbasit.

LEXONI GJITHASHTU:

• Paralajmërimi i NATO-s për luftën në Ukrainë
• Ukraina sulmon për herë të parë territorin e Rusisë
• Të shtohen panelet diellore për të reduktuar varësinë nga gazi rus, thotë BE-ja