Rusët votojnë në zgjedhjet lokale dhe ato rajonale, të parat që nga nisja e luftës

Rusët janë duke votuar të dielën në zgjedhjet lokale dhe ato rajonale ku do të zgjedhin guvernatorët dhe ligjvënësit lokalë.

Këto janë zgjedhjet e para që mbahen në Rusi, prej nisjes së luftës në Ukrainë shtatë muaj më parë.

Rezultati i zgjedhjeve të 11 shtatorit nuk pritet të përbëjë dallim me situatën aktuale. Kjo pasi lufta është përmendur vetëm në disa raste të izoluara përgjatë fushatës.

Banorëve të Moskës u është mundësuar votimi prej 9 shtatorit për të zgjedhur anëtarët e 125 këshillave rajonalë.

Para nisjes së luftës në Ukrainë, Kremlini ka shtypur partitë e pavarura opozitare dhe grupet civile për qeverisje të mirë.

Kandidatët e Rusisë së Bashkuar pritet të fitojnë shumicën e rajoneve.

LEXONI GJITHASHTU

• Ukraina ka rimarrë 2000 kilometra katrorë territor, thotë Zelenski
• Kuleba: Ukraina mund ta mposhtë Rusinë, por na duhen më shumë armë
• Tërhiqen forcat ruse, Ukraina merr qytetet kryesore në lindje