Rusia akuzon Ukrainën: Po tenton të pengojë përpjekjet për paqe

27 Maj 2025 | 13:24

Rusia ka deklaruar ditën e sotme se sulmet ajrore të kryera ditëve të fundit ndaj Ukrainës ishin “përgjigje” ndaj përshkallëzimit të sulmeve ukrainase me dronë ndaj civilëve rusë, duke e akuzuar Kievin se po tenton të “pengojë” përpjekjet për paqe.

Moska ka kryer qindra sulme me dronë në Ukrainë nga mbrëmja e së premtes deri mëngjesin e së hënës, duke vrarë dhjetëra persona.

Presidenti amerikan, Donald Trump, që po teton të ndërmjetësojë përfundimin e pushtimit rus të Ukrainës, të nisur tre vjet më parë, ka deklaruar se presidenti rus, Vladimir Putin, “është çmendur” dhe e ka kërcënuar Rusinë me sanksione për shkak të sulmeve.

“Kievi, me mbështetjen e disa shteteve evropiane, ka ndërmarrë një sërë hapash provokues për të penguar negociatat e nisura nga Rusia”, tha Ministria ruse e Mbrojtjes përmes një deklarate.

Ministria tha se mbrojtja ajrore ruse ka shkatërruar 2.331 dronë ukrainas nga 20 deri më 27 maj, duke pretenduar se mbi gjysma e tyre u penguan në zonat jashtë fushëbetejës.

“Civilët, përfshirë gratë dhe fëmijët, janë plagosur”, u tha në deklaratë, ku u shtua se sulmet e fundit ruse në Ukrainë ishin “përgjigje” e drejtpërdrejtë e sulmeve ukrainase.

Kievi e ka akuzuar Rusinë se po tenton të shmangë përgjegjësinë për vrasjet.

“Duhet t’i japim fund kësaj pritjeje të pafund – Rusisë duhet t’i vendosen më shumë sanksione”, tha të martën në Telegram, Andriy Yermak, shef i stafit të presidentit ukrainas, Volodymyr Zelensky.

Pushtimi rus i Ukrainës, i nisur në shkurt të vitit 2022, deri më tani ka lënë të vrarë dhjetëra mijëra persona dhe ka shkaktuar shkatërrime të mëdha në pjesët lindore dhe jugore të Ukrainës.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Uji përmbyt rrugën në Virxhinia, momenti kur polici shpëton gruan e bllokuar në një gropë 2.5 metra të thellë

Një oficer policie i Virxhinias dhe një grup të huajsh ndihmuan në shpëtimin e një gruaje të bllokuar në makinën e saj në një gropë...
11:37 | 29/06/2026

Vala e të nxehtit në Evropë, policia e Berlinit freskon me ujë fansat në koncertin e Bruno Mars-it (VIDEO)

Policia e Berlinit përdori topa uji për të freskuar mijëra fansa të Bruno Mars-it që prisnin jashtë Olympiastadion-it, ndërsa temperaturat u ngjitën deri në 40°C...
11:21 | 29/06/2026

Kompania spanjolle anulon 320 shërbime me trena, mijëra udhëtarë në vështirësi për shkak të një greve

Java ka nisur me vështirësi për mijëra udhëtarë në Spanjë, pasi kompania hekurudhore Renfe ka anuluar 320 shërbime hekurudhore këtë të hënë, më 29 qershor,...
11:00 | 29/06/2026