Rusia kërcënon Moldavinë, Sandu: Kremlini, përpjekje për grusht ushtarak shteti

Presidentja e Moldavisë ka akuzuar Rusinë se po planifikon të përdorë “sabotues” të huaj për të rrëzuar qeverinë pro-perëndimore të saj.

Maia Sandu ka deklaruar se komploti parashikon përfshirjen e pseudo-opozitës, me qëllim përmbysjen e rendit kushtetues.

“Rusia po planifikon të përdorë sabotues me formim ushtarak, të kamufluar me veshje civile, për të ndërmarrë veprime të dhunshme, sulme ndaj institucioneve tona dhe të marrin pengje”, tha Maia Sandu, presidente e Moldavisë.

Sipas kryetares së shtetit, e cila vetëm të premten emëroi kryeministrin e ri pas dorëheqjes së qeverisë paraardhëse, ka theksuar se sabotuesit do të jenë shtetas nga Rusia, Mali i Zi, Bjellorusia dhe Serbia, që do të hyjnë në Moldavi.

Por ajo ka shtuar se çdo përpjekje e Kremlinit për të shkaktuar dhunë në vend do të dështojë.

LEXONI GJITHASHTU:

• Medvedev: Rusia duhet të rrisë prodhimin e tankeve
• Zelensky: Nuk duhet të lejojmë që Rusia të na ‘vjedhë’ Evropën tonë