Rusia mund Finlandën dhe merr pikët e para në Euro 2020

Rusia mori pikët e para në grupin B, pasi mundi minimalisht skuadrën e Finalndës.

Vikingët nuk mundën që të befasonin si pak ditë më parë, pavarësisht se ishin ata që shënuan të parët, por goli u anulua për një pozicion të parregullt.

Përfaqësuesja ruse ishte më kërkuese, por nordikët ishin mjaft të rrezikshëm me zbritjet e tyre.

Në shtesën e pjesës së parë Rusia arriti që të finalizonte saktë me anë të Miranchuk u tregua fantastik brenda zonës së Finalndës, duke shënuar një gol fantastik.

Lojtari i Atalantës tregoi klas në goditjen e tij, duke shënuar golin që vendosi fatin e takimit.

Në minuta e mbetura Rusia ishte e kujdesshme në menaxhimin e rezultatit, ndërsa tentoi që të godiste finlandezët në hapësirat që krijonin pas, por pa pasur rezultat.

Pas këtij rezultati Rusia barazon Belgjikën dhe Finlandën me tre pikë dhe hedh kandidaturën për avancimin për në raundin me eliminim direkt.