Kryeministri i Mbretërisë së Bashkuar, Boris Xhonson thotë se Rusia ka një mundësi reale për të fituar luftën në Ukrainë.
Nga Nju Delhi i Indisë ku u takua me homologun Narendra Modi, Xhonson u shpreh se Presidenti i Rusisë, Vladimir Putin ka në dispozicion një ushtri të madhe.
“Ai është shumë afër sigurimit të një ure tokësore në Mariupol. Situata është e paparashikueshme në këtë fazë. Thjesht duhet të jemi realistë për këtë”, u shpreh ai.
Xhonson tha gjithashtu se shumë shpejt ambasada e Mbretërisë së Bashkuar do të rihapet në Kiev, shkruan CNN.
Pas gati dy muajsh pushtim, rusët pretendojnë se i gjithë territori i Mariupolit është nën kontrollin e tyre. Por, SHBA këmbëngul se janë ende forcat ukrainase të cilat po kontrollojnë fabrikën e çelikut Azovstal.
LEXONI GJITHASHTU
- Mbretëria e Bashkuar rihap ambasadën në Kiev javën e ardhshme
- Kush e kontrollon Mariupolin? Pretendimi i rusëve dhe reagimi i SHBA-së
