Rusia, parajsë fiskale, BE e përfshin vendin në listën e zezë

Bashkimi Evropian ka përfshirë për herë të parë Rusinë në listën e zezë të parajsave fiskale. Bëhet fjalë për një listë në të cilën ka hyrë po për herë të parë edhe Kosta Rika, si dhe ku janë kthyer sërish ishujt Marshall.

Këshilli i BE-së ka ekzaminuar legjislacionin rus të miratuar në vitin 2022 kundër kriterit evropian për qeverisjen e mirë të taksave dhe ka konstatuar se Rusia nuk ka përmbushur detyrimet e saj për të përmirësuar kontrollin e kompanive ndërkombëtare.

Krahas kësaj, thuhet në një komunikatë zyrtare, dialogu me Moskën mbi çështjet e lidhura me taksat u ndërpre pas agresionit rus ndaj Ukrainës.

Përfshirja e një vendi në këtë listë e bën më të vështirë tregtinë me jashtë të kompanive të ndodhura në territorin rus.

Por lista në fjalë është kritikuar ashpër për mungesë efikasiteti nga organizata joqeveritare Oxfam.

Sidoqoftë, ajo pritet të kthehet në një tjetër problem për Rusinë, pas sanksioneve të shumta financiare të vendosura pas nisjes së luftës një vit më parë.

LEXONI GJITHASHTU: 

• ‘Po instalohen aparaturat’, Manastirliu: Kur hapet spitali i Sëmundjeve të Brendshme
• Autobusi përplaset me furgonin, 20 të vdekur në Afrikën Jugore