Rusia sulmon Ukrainën nëpërmjet Bjellorusisë

Autoritetet ukrainase kanë njoftuar se janë përballur me “bombardime masive” të shtunën nga Bjellorusia fqinje, e cila njihet si aleate e Rusisë.

“Sulmet e sotme janë të lidhura drejtpërdrejt me përpjekjet e Kremlinit për të përfshirë Bjellorusinë si bashkëluftëtare në luftën në Ukrainë”, njoftoi shërbimi ukrainas i inteligjencës.

Njëzet raketa kanë shënjestruar fshatin Desna në rajonin Çernihiv, ka thënë ushtria ukrainase përmes një deklarate, duke shtuar se infrastruktura është goditur, por ende nuk ka raportime për viktima.

Bjellorusia ka ofruar mbështetje logjistike për Moskën prej kur kjo e fundit ka nisur pushtimin e Ukrainës më 24 shkurt.

Presidenti rus, Vladimir Putin ka urdhëruar pushtimin e Ukrainës më 24 shkurt, duke e quajtur ate “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Por, ende forcat ruse nuk janë tërhequr nga sulmet edhe pse goditjet financiare për Rusinë kanë qenë të mëdha.

LEXONI GJITHASHTU:

• Statusi i Ukrainës nuk shqetëson Rusinë: BE dhe NATO, si Hitleri kundër BS-së