Rusia tërhiqet nga Këshilli i Shteteve të Detit Baltik

Rusia ka njoftuar planet për t’u tërhequr nga Këshilli i Shteteve të Detit Baltik.

Kjo deklaratë vjen pasi forumi politik ndërqeveritar, i përbërë nga Danimarka, Estonia, Finlanda, Gjermania, Islanda, Letonia, Lituania, Norvegjia, Polonia, Suedia dhe Rusia, pezulloi Moskën në përgjigje të luftës në Ukrainë, raporton BBC.

Ministri i Jashtëm i Rusisë, Sergei Lavrov, tha se Rusia kishte marrë vendimin për t’u larguar nga CBSS “në përgjigje të veprimeve armiqësore” të grupit.

 Ky vendim vjen pas pezullimit dhe sanksioneve të ndryshme të vendosura ndaj Rusisë nga BE.

“Përfundimi i anëtarësimit në CBSS nuk do të ndikojë në praninë e Rusisë në rajon”, tha Lavrov.

Kjo deklaratë nga Lavrov u bë para paralajmërimit të përpjekjeve për “të dëbuar vendin tonë nga Baltiku është e dënuar me dështim”.

Ai akuzoi gjithashtu NATO-n dhe anëtarët e BE-së të CBSS se e kanë kthyer këshillin në “një instrument të politikës anti-ruse”.

LEXONI GJITHASHTU:

• Shtetet e Bashkuara dhe BE, debat për tranzicionin energjetik