Ryshfeti 6 mijë euro, shtyhet seanca ndaj gjyqtares Mimoza Margjeka

Shtyhet seanca ndaj gjyqtares Mimoza Margjeka. Shkak i shtyrjes së seancës u bë mungesa e gjyqtares se çështjes.

Margjeka akuzohet nga SPAK për korrupsion, pasi nga përgjimet e Prokurorisë së Posaçme rezultoi se, Margjeka ka marrë 6000 euro në këmbim të nxjerrjes së Orion Balit nga qelia kundrejt “garancisë pasurore”.

Së bashku me Margjekën në atë kohë SPAK mori nën hetim edhe bashkëshortin e gjyqtares, Arben Cara, avokatin e Balit, Skënder Demiraj, vëllanë e të pandehurit Nejton Balin dhe sekserin Klaudjo Zhilla.

në disa shfaqje publike gjyqtarja Margjeka ka shpërthyer në akuza ndaj shtetit teksa ka theskuar se akuza e ngritur ndaj saj është një hakmarrje politike dhe ka lidhje me bashkinë e Durrësit, pasi nuk i dha mandatin kryebashkiakut të zgjedhur në zgjedhjet lokale të 30 qershorit 2019.

Krahas kësaj, Margjeka tha se ka pasur në dorë edhe dosjen me tetë tonë drogë, që siç tha ajo njihet ndryshe si dosja e “Gjirit të Lalëzit”.

Lexoni gjithashtu:

E lënë në arrest shtëpie, gjyqtarja Mimoza Margjeka fajëson konspiracionin shtetëror

Ryshfeti 6 mijë euro, gjyqtarja Margjeka kërkon mediat në sallën e gjyqit: Kam 4 diploma, po më sulmojnë politikisht