S’do të ketë debat televiziv, Albin Kurti refuzon kërkesën e Enver Hoxhajt për përballje

Ditë më parë, Enver Hoxhaj, kandidat i PDK-së për kryeministër, shprehu gatishmërinë për ballafaqim televiziv me kreun e Vetëvendosjes, Albin Kurti. 

“Për më shumë e ftoj z. Kurti në pesë debate televizive. Një debat për ekonominë, një debat për shëndetësinë, një debat për sundimin e ligjit, një për sistemin arsimor, e një debat për politikën e jashtme, e një debat të fundit të gjashtin, me 12 shkurt për të gjitha temat e mundshme”, u shpreh Enver Hoxhaj.

Dëshirën që kandidatët për kryeministra të jenë në një panel me debate, e shprehën edhe shumë drejtues të mediave. Këtë e arsyetuan me faktin se asnjëherë nuk ka ndodhur në Kosovë që kandidatët për kryeministra, të jenë në një debat televiziv.

Megjithatë, këtë ftesë publike, në mënyrë të tërthortë, e refuzoi Albin Kurti. 

“Kjo garë është për vendin e dytë në zgjedhjet e 14 shkurtit. E në atë garë, as unë as zonja Presidente, as s’kemi çfarë bëjmë as s’kemi çfarë kërkojmë”, tha zoti Kurti.

Ndryshe nga zgjedhjet vendore kur çdoherë ka ballafaqime mes kandidatëve për kryetarë komunash, në zgjedhjet parlamentare nuk ka pasur asnjëherë debate televizive të kandidatëve për kryeministër.

Lexoni gjithashtu:

Vjosa Osmani u bashkua me Albin Kurtin, Avdullah Hoti: Vendosi në ballë logon e VV-së

Zgjedhjet në Kosovë, sot është afati i fundit për dorëzimin e listave me emrat e kandidatëve për deputetë